ماسكارا الأعشاب من لش! | Wheatgrass mascara from Lush

Hello Beauties !

مساء/صباح الخير

نزلت ع الانستقرام عن أي منتج طبيعي حابين اتكلم و اختارو البنات اتكلم عن الماسكارا من لش

اخترت اكتب عن المنتجات الطبيعية لأن في بدائل بالمكياج طبيعية متواجدة بالسوق تعطي نفس التأثير التجميلي للمنتجات القاسية

لكن بضرر أخف ع بشرتك و عيونك

قلت ضرر أخف لأن مافيه شي طبيعي 100% راح يعطي نتائج حلوة

بالنهاية لازم نضحي ونستخدم المكياج ونتعب بشراتنا شوي لوول!

نجي نشوف هالمنتج الجميل من Lush

 EYES RIGHT Mascara

 عبارة عن ماسكارا طبيعية تحتوي ع مكونات ترطب الرمش وتغذيه 

مكونها الأساسي هو الـ Fresh Wheatgrass و الماء و الشمع الطبيعي

 و تحتوي ع مادة حافظة واحدة بدال 5 و بحجم اكبر 5 مرات من الماسكارا العادية

الماسكارا العادية تحتوي ع 5 الى 6 مواد حافظة

راح ترطبين رموشك وتغذينها و بنفس الوقت تعطين كثافة و سواد لرموشك ;)

تعالوا نشوف الفرشة

الفرشة فعلاً قصيرة و غريبة لمن تستخدمينها أول مرة

لكن بالنسبة لي عادي ما ضايقتني كثير

بإمكانك تستخدمين معاها فرشة ثانية انتي حابتها

صورة أقرب للفرشة

و هنا شكل الماسكارا على الرموش

رأيي فيها:

بديل جيّد للي مايحبون يستخدمون الماسكارا بشكل يومي لحماية رموشهم من التساقط

لكن هالماسكارا ماتعطي حجم و كثافة للبنات اللي عندهم هذا الشي أولوية

راح تعطي رموشك طول متوسط و تلونها أسود طبعا و توقفها.. 

لكن لا تتوقعين منها تأثير نفس الماسكرا اللي من لانكوم مثلا

حلوه للبنات اللي رموشهم كثيفة و طويلة طبيعي, هذا راح ترتبها لهم و تعطي مظهر حلو

بالنسبة للبنات اللي رموشهم خفيفة يمكن ماتعجبهم, او يمكن تعجبهم اذا كانوا راح يضحون بالحجم و الكثافة في سبيل تغذية الرموش D:

أنا راح استخدمها يومياً للدوام لأني مو من البنات اللي عندهم ادمان ماسكارا لوول

 تمر علي ايام ما استخدم ماسكارا نهائي او استخدم الشفافة

لكن الحين راح استخدم هذي حتى أرطب رموشي :)

و بس!

اللي جربتها تكتب لي رايها فيها و اللي ماجربتها برضو تكتب لي لووول

افرح اذا شفت تعليق على وحده من التدوينات!