صباح / مساء الخير
عيد اضحى مبارك للجميع..
و رجعنا بعد اجازة قصيرة.. اشتقت لكم واشتقت للتدوين..
كنت طالعة السوق و دخلت محل Vavavoom
اللي يشتغل هناك قال لي ترا قسم المكياج مافيه موظفات
قلت له يعني ما اقدر اشتري؟
قال الا بس مافيه احد يساعدك
انا هنا انبسطت لووول .. بصراحة بعض الموظفات بمحل المكياج مزعجات و يقعدون فوق راسك بشكل مُقلق
ولا هو من زود الخبرة و المعلومات اللي عندهم يعطونك اياها..
الى الآن ماشفت وحده فاهمه بشغلها صح للأسف..
المهم و ادخل كنت ابحث عن ماركة معينه مالقيتها بس لقيت Pupa
و اعجبتني باودر عنهم تعطي مظهر بلاستيكي للبشرة بس مخلصة للاسف :\
كملت استطلاعي ولقيت آي شادو حلو.. لكن حسيته ينفع كإضاءة
من منظره ذكرني بإضاءة سوفت اند جنتل اللي ادمنوا عليها البنات لوول
هذا هو شكله
شبيه بالمنظر و الملمس و اللون و الرائحة (تحمست لوول) لإضاءة سوفت اند جنتل!
و هنا اضاءة سوفت اند جنتل للي مايعرفونها
Soft and Gentle from MAC
و هنا شكلهم جمب بعض كأنهم توأم لووول
شوفوا بالسواتش كيف
اليمين سوفت اند جنتل واليسار بوبا
سواتش ثاني
بصراحة نفس اللون والنتيجة
اليمين بوبا و اليسار ماك
وحبيت اللي من بوبا اكثر لأن حجمه اصغر و الطف
ما احب الاحجام الكبير بالمكياج لأن نادر اخلصها
الشادو تبع بوبا اسمه
Luminys Silk 500
from Pupa
حلو كإضاءة تحت الحاجب للسهرات برضو
السعر:
72 ريال
*
نجي للقسم الثاني من التدوينة
مافي احلى من الشموع الموسمية اللي تنزل في Bath and Body Works
خاصة تبع فصل الخريف و الشتاء
كانو منزلين مجموعة شموع خاصة بفصل الخريف و الروائح كانت مابين
خشب الصندل و اليقطين و التفاح و جوز الهند و القرفة و كثير أشياء جميلة كثير
جلست ساعة أفكر و أختار..
اختي كانت معي ولا ساعدتني كل ماقلت لها شمي هذا قالت ويييع :\
اختي ذوقها تحب الروائح الخفيفة اللي ماتبين
لكن بالنسبة لي بالشموع احب شي قوي عشان تبين ريحته مثل القرفة او خشب الصندل
خاصة اذا كان شي موسمي مثل الخريف احب احس بالموسم مع انه صعب جدا بهالأجواء
(ما عندنا الا صيف و شتاء لووول)
مع ان الجو بدأ يبرد هاليومين
ماعلينا
بعد ما قضيت وقت طويل عند المحل
رسى الأختيار على هالشمعتين
Black Pepper Begamot
&
Harvest Gathering
حبيت اساميهم و روائحهم كثير
اللي بالفلفل الأسود رووعة ريحتها تعطي المكان جو عائلي و مريحة للاعصاب
و الثانية اللي لونها اورانج رائحتها منعشة كثير
على فكرة ما احب الشموع اللي بالفواكه.. نادر تعجبني و كذلك العطور اللي بالفواكه ما تستهويني
كنت اكتب التدوينة و انا احرق هالشمعة ريحتها تجنن :)
و خلصت التدوينة و وان شاء الله التدوينة الجديدة راح تكون شي مختلف مثل عناية بالبشرة او موضة
حسيت علقت على التدوينات الميك أبيه :P
و على فكرة ابي اشوف تفاعل على المدونة بليز.. صحيح القى كثير تفاعل على التدوينات في تويتر و الانستقرام
بس انبسط اكثر اذا شفت تعليقات هنا احس انه بيتي :P
نشوفكم ع خير 3>
