Hello my beauties!
وعدتكم ع الانستقرام بتدونية خاصة في لوكات الممثلات في حفل الايميز
بالنسبة لالوان الفساتين كان الازرق الغامق و البيبي بلو طاغيين .. كمان البينك و الاحمر و الالوان الباستيلية..
مافي الوان محايدة هالمره كلهم لابسين الوان جريئة..
المكياج كان كلاسيكي و مودرن بنفس الوقت
الشعر فيه عودة للقصات القصيرة و ابتعدوا شوي عن اللوك الرويتيني شعر طويل و كيرلي و ما الى ذلك..
هالمرة التركيز على الشعر و المكياج بس..
خلونا نبدأ لأن اللستة طووويلة !!
KATE MARA
حبيت لوك الشعر الرطب والمستوحى من الكات واك!
الشعر و الميك اب شكله عصري جدا و السموكي معمول بنعومة تتناسب مع رسمة عيونها لأن مافيه مدى
بين الحاجب والعين عندها
MELISSA RAUCH
حبيت اللوك كامل ناعم كثير وطبيعي
البنات اللي يميلون للطلة تكون "بيرفكت" ما راح تعجبهم لان الفاونديشن اللي استخدمته هنا ما هو فل كفر
ولا حاول تخبي النمشي اللي على وجهها و هالشي اعطاها براءة و نعومة متناسبة مع الغرة
SOFIA VERGARA
بصراحة ما ادري من وين ابدأ!!!
مين مصدوم زيي؟
خلوا لون الشعر على جنب ابد ماحبيته عليها كنت افضل الاسود
لكن الحواجب كابوس.. حلوه الحواجب الكثيفة لكن بتهذيب خفيف زي بيرين سات او كارا ديلفين
آت ليست من النهاية يبي لهم تضبيط شوي!!
الميك اب نو كومنت و الروج اللي حاطته جد قديييم ذكرني بأيام التسعينات ما ادري ليه!
درجة البينك على برونز ولمعته فعلا قديم..
ابد ما حبيت طلتها حرام كان ممكن تكون احلى
KATRINA BOWDEN
لوك العيون روعة بس ماحبيت انها طقمته مع لون الفستان و الحلق كمان صار ماتشي ماتش
كعكة البالرينا اللي عملتها فعلا ماشية مع لوك السموكي بس مو شرط هذا اللون
JULIANNE HOUGH
الشعر ما حبيته مدري كيف جاي طاير بزياد كان ممكن يكون اهجد من كذا حبه
الاضاءة داخل العين حلو بس وجهها ذبلان او تعبان فيها شي غريب, العادة تكون احلى من كذا
KERRY WASHINGTON
حلو الشعر و الميك اب لكن ماحبيت كيف وجهها مافيه حياة
مع ان السمر بسهولة ممكن يستخدمو الاضاءة البرونز ويعطيهم لوك جميييل
كمان درجة الفاونديشن حسيته فاتح عليها كان ممكن يكون اغمق حبة
ZOOEY DESCHANEL
كالعادة هالحلوة دائماً شكلها كأن احد مصحيها من النوم وماخذها للحفل على طول!
مكياج العيون مبهذل كثير والشفاة اللاينر حولها واضح جدا! :/
و الشعر مليااان سبراي و مدهن.. ماحبيت
نشوف اختها!
EMILY DESCHANEL
اللوك جميييل و درجة الروج مناسبة بشرتها كثير
التسريحة كمان متماشية مع فريم وجهها.. حبيتها ناعمة
CHRISTINA HENDRICKS
حبيت الشعر كثير لأن ماصرنا نشوف هالقصات والتسريحة كثير بالسنوات الاخيرة
ما عندي خبرة بمكياج الصهباوات بس مناسبها ولا تقدر تروح اثقل من كذا لأن لون بشرتها صعب
ولا اي مكياج راح يناسب لها..
JANUARY JONES
احب هالممثلة كثير و دايم تحب تظهر بلوكات vintage
و ترجعنا لأيام هوليوود الماضي و الجمال الكلاسيكي
التسريحة حبيتها كثيرر ومناسبه لها.. كان ممكن تغمق الحواجب حبه بس ما احب هالدرجة في الحواجب حتى لو كانت شقراء
JESSICA PARÉ
الشعر متطاااير بشكل فوضوي ما حبيته
لكن عموما هذي الممثلة احب كل شي فيها حتى ضحكتها لأن اغلب التعليقات على الانترنت يسخرون منها
بس كلها ع بعضها جذابة
كان ممكن تروح اثقل بسوي بمكياج العيون لأن ملامحها قوية او تغمق لون الروج عشان تبرز اكثر
ROSE BYRNE
انصدمت بلون شعرها .. هي و صوفيا الاشقر ما اعجبني عليهم
كانت حلوه بالبني كثييير..
مكياج عيونها غير متماشي مع فريم عيونها.. داخلين لجوا كثير كان مفروض تتعامل مع هالمشكلة بطريقة
تلطف دخلة عيونها مو تزيد المشكلة عندها..
لون الروج حبيته خريفي بإمتياز و ماشي مع الفستان
HEIDI KLUM
ليه يا هايدي ليه!
الفستان كان كريييه جدا و كملتها بالتسريحة العبيطة
المكياج اللامع حول عيونها برز التجاعيد بطريقة مو حلوة و حواجبها محتاج تمشيط وترتيب
هايدي من وقت ما تركت فكتوريا سيكرت و ستايلها صار في نزوول للأسوأ
.
.
راح اختم بلوك حلو لأن اغلب اللي فوق مخيبين للآمال!
ALLISON WILLIAMS
كل شي في اعجبني ما عندي تعليق صراحة..
الفستان و لون عيونها متماشيين سوا.. خيال!
.
.
مين كانت المفضلة عندكم؟
و اي لوك حبيتو اكثر؟
شاركوني تحت بالتعليقات
ليست هناك تعليقات :
إرسال تعليق